81

قومی اسمبلی :خورشید شاہ کی گرفتاری کے خلاف ، اپوزیشن کی ہنگامہ آرائی

ویب ڈیسک۔۔۔۔۔۔۔۔قومی اسمبلی میں پیپلز پارٹی کے سینئر رہنما و رکن اسمبلی خورشید شاہ کی گرفتاری کے خلاف اپوزیشن نے ہنگامہ آرائی کرتے ہوئے ایوان میں شور شرابا کیا۔قومی اسمبلی کے اجلاس میں اپوزیشن اراکین نے اسپیکر کے ڈائس کا گھیراو کرلیا اور خوب نعرے بازی بھی کی۔ڈپٹی اسپیکر قاسم سوری بھی اپوزیشن کے احتجاج پر خاموش نہیں رہے اور حزب اختلاف کو دوبدو جواب دیئے۔ڈپٹی اسپیکر قاسم سوری نے کہا کہ میں نے کسی کی پگڑی نہیں اچھالی، مجھ پر ایسا الزام نہیں لگاسکتے، میں کسی کے دباو میں نہیں آوں گا اور نہ ہی میں کبھی کسی کو دباو میں لایا۔قاسم سوری نے کہا کہ آپ میرے کولیگ ہیں، اپنی نشستوں پر بیٹھ جائیں مجھے ایوان چلانے دیں۔واضح رہے کہ خورشید شاہ کو کل اسلام آباد سے گرفتار کیا گیا تھا، ان پر آمدن سے زیادہ اثاثوں اور فلاحی پلاٹ غیر قانونی طور پر اپنے نام کرانے کا الزام ہے۔خورشید شاہ کو نیب راولپنڈی نے نیب سکھر کی تحقیقات پر بنی گالا سے گرفتار کیا تھا۔

اپنا تبصرہ بھیجیں