لاہور(نمائندہ خصوصی)سابق وزیر اعلیٰ پنجاب چوہدری پرویز الٰہی نے اپنے بیان میں کہا کہ ہمارے ساڑھے 5 ماہ کے دور حکومت میں کسی ایک سیاسی کارکن کے خلاف انتقامی کاروائی نہیں کی گئی۔ن لیگ کی قیادت انتقام کی سیاست پر یقین رکھتی ہے، سانحہ ماڈل ٹائون سے بھی انہوں نے سبق نہیں سیکھا۔انہوں نے کہا شریف جب بھی اقتدار میں آتے ہیں تو ان کے رانا ثنا اللہ اور عطا اللہ تارڑ جیسے لوگ چوزوں کی طرح پھدکنا شروع کردیتے ہیں۔جسطرح چوہدری وجاہت حسین جیسے سینئر سیاستدان اور ان کے بیٹے موسی الہی پر مقدمہ درج کیا گیا وہ قابل مذمت ہے۔شریفوں کی تاریخ اپنے مخالفین کے خلاف ایسی انتقامی کاروائیوں سے بھری ہوئی ہے۔چوہدری پرویز الٰہی نے کہا کہ پنجاب پولیس نے 16 اپریل کو جس طرح اراکین پنجاب اسمبلی پر ایوان کے اندر بدترین تشدد کیا دنیا میں اسکی مثال نہیں ملتی۔اراکین اسمبلی پر تشدد میں ملوث سی سی پی او لاہور بلال صدیق کمیانہ اور سابق آئی جی پنجاب کو ہم بھولیں گے نہیں۔16 اپریل اور 25 مئی کے واقعات کو بھی ہم بھولے نہیں ہیں۔انہوں نے مزید کہا کہ شریفوں کے ظلم کی سیاہ رات الیکشن کمیشن کی وجہ سے صرف ڈھائی ماہ کی بچہ سکے کی حکومت ہے پھر ان کے تمام غیر قانونی اقدامات کا حساب ہوگا
