گجرات(پریس ریلیز)ڈپٹی کمشنر عامر شہزاد کنگ نے کہا ہے کہ حکومت پنجاب کی ہدایت پر ضلع بھر میں گرانفروشوں کے خلاف کریک ڈاؤن جاری ہے، ماہ ستمبر پہلے دو ہفتوں کے دوران 253گراں فروشوں کے چالان کرکے ان پر 6 لاکھ72ہزار 500روپے جرمانہ عائد کیا گیا ہے جبکہ 1گراں فروش کے خلاف مقدم درج کرکے حوالہ پولیس کیا، ان خیالات کا اظہار انہوں نے پرائس کنٹرول کے حوالے سے جاری سرگرمیوں بارے بریفنگ کے دوران کیا۔ ڈپٹی کمشنر نے بتایا کہ ماہ ستمبر پہلے ہفتہ کے دوران پرائس کنٹرول مجسٹریٹس نے مجموعی طور پر1477 بازاروں، مارکیٹوں اور دکانوں میں اشیائے ضروریہ کی قیمتوں کی چیکنگ کی، اس دوران253 دکاندار گراں فروشی، ریٹ لسٹیں آویزاں نہ کرنے کے مرتکب پائے گئے جبکہ مختلف علاقوں میں اشیائے ضروریہ غیر قانونی ذخیرہ کرنے والے 1 ناجائز منافع خور پکڑا گیا۔ ڈپٹی کمشنر عامر شہزاد کنگ نے ہدایت کی کہ پرائس کنٹرول مجسٹریس باقاعدگی سے مارکیٹوں کا دورہ کریں مقرر کردہ نرخوں پر اشیاء خوردونوش کی فراہمی یقینی بنائی جائے خلاف ورزی کرنے والے افراد کے خلاف سخت قانونی کارروائی عمل میں لائی جائے۔
